Kryeministri i Mbretërisë së Bashkuar, Kir Starmer, ka deklaruar angazhimin e tij për të përdorur asetet e ngrira ruse për të mbështetur Ukrainën. Gjatë një samiti me liderët europianë, në të cilin merr pjesë edhe presidenti ukrainas, Volodymyr Zelensky, Starmer theksoi se do të eliminojë naftën dhe gazin rus nga tregu global.
Starmer nënvizoi rëndësinë e forcimit të mbrojtjes ajrore të Ukrainës, duke premtuar se Mbretëria e Bashkuar do t’i ofrojë asaj raketat e nevojshme për të përmirësuar sigurinë gjatë dimrit. Ai gjithashtu shprehu angazhimin për të vazhduar presionin ushtarak mbi presidentin rus Vladimir Putin, derisa ky i fundit të pranojë të negociojë për një përfundim të luftës.
“Është e qartë se e ardhmja e Ukrainës është e lidhur ngushtë me të ardhmen tonë. Ne jemi të angazhuar për të vepruar tani për të rritur presionin mbi Putinin dhe për ta sjellë atë në tryezën e negociatave me mirëbesim,” tha Starmer, duke theksuar qëllimin e tij për të garantuar mbështetje të vazhdueshme për Ukrainën.
Ky angazhim tregon një qasje të fortë dhe të vazhdueshme të Mbretërisë së Bashkuar në mbështetje të Ukrainës në përballjen me agresionin rus.
