Fshati Stëblevë prodhon çdo vit 8-10 mijë ton patate, njohur për cilësinë e saj dhe kërkesën e lartë në treg. Megjithatë, fermerët e zonës shprehin pakënaqësi lidhur me çmimin e shitjes, duke e konsideruar atë të pamjaftueshëm për të mbuluar shpenzimet e prodhimit. Një problem shqetësues është dhe tregtimi i patateve nga importi si patate Stëblevë, gjë që dëmton prodhimin vendas.
Për të mbrojtur prodhimin lokal, Bashkia e Librazhdit ka ndërmarrë hapa të rëndësishëm duke certifikuar dhe etiketuar patatet e Stëblevës. Kjo do të ndihmojë në identifikimin e patates me origjinë dhe në mbështetje të fermerëve të zonës. Me këtë etiketim ‘made in Stëbleva,’ prodhimi vendas do të ketë një identitet të qartë në treg, duke kontribuar në forcimin e pozita së tij dhe duke e bërë më të lehtë për konsumatorët të asociojnë cilësinë e patates me vendin e origjinës.
Kjo iniciativë shpresohet se do të rritë çmimet dhe do të inkurajojë fermerët të vazhdojnë me prodhimin e kësaj kulture, e cila është një burim i rëndësishëm i të ardhurave për ta.
