Ministria e Brendshme serbe ka njoftuar një operacion të gjerë për shpërbërjen e organizatës kriminale të njohur si “klanit Vračarski”. Gjyqtari i Euroligës, Uros Nikolic, është një nga të arrestuarit, ndërsa në shtëpinë e tij u gjetën 250,000 euro. Operacioni u realizua nga Drejtoria e Policisë Kriminale dhe Shërbimi i Krimit të Organizuar në bashkëpunim me Europolin dhe autoritetet spanjolle, duke rezultuar në arrestimin e 10 personave në Beograd dhe Shabac, përveç tre të tjerëve jashtë vendit.
Ky operacion ka bërë jehonë të madhe në botën sportive, pikërisht për shkak të arrestimit të Nikolic. Gjatë bastisjeve në 22 lokacione, janë sekuestruar shuma të mëdha parash në valutë të huaj, orë luksoze, automjete dhe dokumente identifikimi të falsifikuara.
Klanin “Vračarski” e udhëhoqi Nikola Vušović, i burgosur në Gjermani, dhe Uroš Piperski, i burgosur në Portugali. Ky grup dyshohet se është përgjegjës për krime të rënda, duke përfshirë vrasje dhe tentativa vrasjeje gjatë viteve të kaluara. Procedurat penale po zhvillohen në Dhomën e Posaçme të Gjykatës Supreme në Beograd ndaj këtyre veprave penale.
Në detaje, klani akuzohet për vrasjen e V.P në dhjetor të vitit 2018 dhe disa tentativa vrasjeje ndaj N.A në vitin 2020. Po ashtu, disa anëtarë akuzohen për një vrasje të rëndë në qershor të vitit 2020, që rezultoi në vdekjen e KV. Çështjet janë ende në proces në sistemin e drejtësisë serbe, me autoritetet që vazhdojnë hetimet për të zbuluar plotësisht përfshirjen e individëve të tjerë.
Pas këtyre zhvillimeve, autoritetet serbe kanë publikuar foto të sekuestrimeve, duke nxjerrë në pah përmasat e operacionit të realizuar. Ky aksion ka ndikuar në mënyrë të ndjeshme në perceptimin e situatës së sigurisë dhe rendit në Serbi, veçanërisht në lidhje me botën e sportit dhe praktikave të jashtme të saj.
