Presidentja e Kosovës, Vjosa Osmani, theksoi në një bashkëbisedim në Berlin se është koha që Bashkimi Evropian (BE) të perceptojë Ballkanin Perëndimor si një potencial dhe jo si një barrë për bllokun. Ajo theksoi se procesi i zgjerimit të BE-së duhet të konsiderohet një nevojë strategjike, pa u ndikuar nga çështjet politike të shteteve individuale.
Osmani e shpjegoi se duhet të shihet Ballkani si një regjim me potenciale të rëndësishme: njerëzore, ekonomike dhe të sigurisë. Ajo beson se sa më shumë që rajoni të bëhet pjesë e BE-së, aq më shumë do të kontribuojë në paqen dhe sigurinë e kontinentit.
Gjatë intervistës, presidentja u pyet gjithashtu për propozimin që shtetet e reja anëtare të fillonin me të drejta të kufizuara dhe për mbështetje të heqjes së vetos në Këshillin e BE-së. Ajo e përkrahu këtë ide, duke theksuar se shpesh një anëtar bllokon vendimet e të gjithë BE-së.
Osmani theksoi se Kosovës e beson që zgjerimi duhet të bazohet në merita. Ajo përmendi që Kosova ka përshtatur plotësisht politikën e saj të jashtme dhe të sigurisë me atë të BE-së, duke theksuar sanksionet ndaj Rusisë pas agresionit në Ukrainë. Megjithatë, ajo e kritikooi Serbinë, e cila edhe pse mbështet rezolutat ndërkombëtare kundër agresionit rus, nuk ka vendosur sanksione ndaj Moskës.
Presidentja theksoi se është e papranueshme të mbahen pozita të dyfishta dhe se çdo shtet duhet të jetë konsekuent në politikën e tij. Aktualisht, Kosova është e vetmja shtet në rajon pa statusin e vendit kandidat për në BE. Ajo aplikoi për t’u bërë anëtare e BE-së në dhjetor 2022, por ky aplikim ende nuk ka kaluar në fazën e shqyrtimit nga Këshilli i BE-së.
Osmani gjithashtu akuzoi Rusinë për përpjekjet e saj për të minuar demokracitë evropiane dhe e cilësoi Serbinë si bashkëpunëtor të Moskës në destabilizimin e Kosovës. Ajo përsëriti se kërcënimet nga Serbia dhe Rusia përbëjnë një rrezik të vazhdueshëm për Kosovën.
