Franca ka miratuar një ndryshim të rëndësishëm në kodin e saj penal, duke ripërcaktuar përkufizimin e përdhunimit dhe sulmit seksual. Pas një procesi të gjatë parlamentar, Asambleja Kombëtare miratoi të enjten futjen e konceptit të pëlqimit në nenin përkatës.
Derimëtani, neni përcaktonte se sulmi seksual kryhej përmes forcës, shtrëngimit, kërcënimit ose befasive. Ndryshimi i ri, megjithatë, shpjegon se çdo akt seksual pa pëlqim përbën sulm seksual. Pëlqimi tani duhet të merret paraprakisht dhe të jetë i lirë, i qartë, specifik dhe i anulueshëm. Po ashtu, ligji thekson se vlerësimi i pëlqimit duhet të ketë parasysh rrethanat dhe se heshtja apo mungesa e përgjigjes nga viktima nuk mund të interpretohet si pëlqim.
Ky ligj u mbështet nga një shumicë të madhe në Asamblenë Kombëtare, ndërsa deputetët e ekstremit të djathtë e kundërshtuan. Pritet që legjislacioni i ri të ratifikohet në Senat me një votim përfundimtar më 29 tetor. Kjo nismë përfaqëson një hap të rëndësishëm drejt rritjes së mbrojtjes së të drejtave të individëve dhe forcimit të politikave për parandalimin e dhunës seksuale në Francë.
