Gjykata e Tiranës shpalli Egla Cenon fajtore për shpifje ndaj Saimir Kodrës. Pas vendimit, Ceno konfirmoi në emisionin “Goca dhe Gra” në Top Channel se nuk do ta komentojë vendimin derisa të zbardhet, por shtoi se do ta apelojë dhe do të vazhdojë këtë çështje në të gjitha hapat ligjorë. Ajo insistoi në vërtetësinë e deklaratës së saj në “Big Brother”, ku tha se ishte ngacmuar seksualisht nga Kodra në vendin e punës.
Ceno informoi se avokati i saj e njoftoi për dënimin, i cili përfshin edhe detyrimin për të publikuar një përgënjeshtrim. Ajo shprehu shqetësim për faktin se vendimi ende nuk është zbardhur dhe se nuk dihen arsyet e tij. “Më vjen mirë që kjo kauzë është në vëmendjen e të gjithëve… Unë do ta vazhdoj këtë betejë me mjete ligjore”, përfundoi ajo.
Aktorja theksoi rëndësinë e diskutimit publik mbi këto çështje dhe përkushtimin e saj për të vazhduar përpara, duke kërkuar durim nga njerëzit që mbështesin kauzën e saj. Ceno sqaroi se historia e saj u ndan në një kontekst të organizuar, dhe se kishte vendosur ta ndante atë për shkak të objektivave sociale që përfaqëson.
Ajo mohoi çdo lidhje me Kodrën pas deklaratës dhe theksoi se do të trajtojë gjithçka brenda institucioneve përkatëse, pa kërkuar përplasje të mëtejshme. Ceno përfundoi duke shprehur dëshirën për të vazhduar këtë betejë pa ndalur, dhe se kishte qenë e detyruar të fliste vetëm në atë kontekst.
