Ish-trajneri i Brazilit dhe fituesi i Kupës së Botës në vitin 1970, Emerson Leao, ka kritikuar ashpër Neymarin për paraqitjet e tij dhe sjelljen jashtë fushës, duke thënë se ai “nuk është shembull për askënd” dhe se nuk duhet të jetë një zgjidhje për ekipin kombëtar të Brazilit para Kupës së Botës 2026. Citohet se Leao është i shqetësuar për paqëndrueshmërinë kronike dhe lëndimet e përsëritura që e kanë karakterizuar karrierën e Neymarit.
Në një intervistë televizive, Leao theksoi se “njeriu jashtë fushës dhe njeriu në fushë janë të ndërthurur”, duke u fokusuar në lidhjen mes sjelljes në jetën personale dhe performancës sportive. Ai vuri në dukje se Neymar ka kaluar moshën për të zgjidhur problemet e Seleção-s, duke e akuzuar atë për mungesë të qëndrueshmërisë fizike. Leao theksoi se ylli brazilian e di çfarë dëshiron të arrijë, por nuk mund ta realizojë si më parë për shkak të problemeve të shëndetit dhe humbjes së shpejtësisë.
Gjithashtu, Leao zbuloi se në fillim të karrierës, ai i kishte dhënë Neymarit këshilla për të “kujdesej për veten”, një rekomandim që sipas tij, Neymar nuk e ka ndjekur. Në të njëjtën kohë, Neymar ka bërë një rikthim te Santos, ku prej janarit ka regjistruar 21 paraqitje, 6 gola dhe 3 asiste. Kontrata e tij skadon më 31 dhjetor, dhe deri tani nuk ka filluar bisedime për rinovimin e saj. Synimi i Neymarit mbetet të kthehet në formën e tij më të mirë për të siguruar një vend në Kupën e Botës 2026.
