Një incident i paprecedentë ndodhi gjatë një turneu të boksit profesionist në qytetin Leuven të Belgjikës, duke shkaktuar reagime të ashpra në Serbi.
Në turneun e quajtur LLN Boxing Night, të shtunën në mbrëmje, më 18 tetor, serbi Djordje Stojkovic dhe belgu me origjinë shqiptare Meriton Karadza, u përballën në kategorinë 67 kg.
Ndërsa lufta e tyre arriti në raundin e 4-t, Karantza e kafshoi Stojkovicin në shpatullën e djathtë, duke bërë që serbi të ndalonte së luftuari, duke e kapur fort shpatullën e tij të dëmtuar.
Dhe aty, siç ankohen serbët, gjyqtari i ndeshjes, Michel Maxiuta, në vend që ta ndëshkonte Karantzën me skualifikim për sjellje josportive, e ndaloi ndeshjen dhe e shpalli shqiptarin fitues, duke e regjistruar rezultatin si një nokaut teknik.
Federata Serbe e Boksit Profesional reagoi ashpër, duke njoftuar se do të paraqesë një ankesë zyrtare në federatën belge, duke kërkuar një shqyrtim të videos dhe një përmbysje të vendimit, teksa e cilësuan rastin një skandal.
