Turizmi kulturor në Shqipëri po shënon një rritje të qëndrueshme, me 1,2 milion vizitorë të regjistruar në periudhën janar-shtator 2025. Ky trend pozitiv reflekton një rritje të interesit për historinë, arkeologjinë dhe identitetin kulturor të vendit. Statistikat tregojnë se 538,508 vizitorë kanë frekuentuar parqet arkeologjike, 364,504 kanë vizituar muzetë, ndërsa 356,762 kanë zgjedhur kalatë dhe monumentet historike.
Përveç rritjes në numrin e turistëve, sektori i turizmit kultor ka shënuar gjithashtu një rritje të ndjeshme të përfitimeve ekonomike. Sipas Ministrisë së Turizmit, Kulturës dhe Sportit, gjatë nëntëmujorit të parë të vitit, të ardhurat nga vizitat në sitet kulturore kanë arritur në 517 milionë lekë. Parqet arkeologjike kanë kontribuar më shumë në këtë rezultat, duke gjeneruar 291 milionë lekë, ndjekur nga muzetë me 120.5 milionë lekë dhe kalatë e monumentet me 106 milionë lekë.
Sidoqoftë, fillimviti duket se është periudha me numrin më të ulët të vizitorëve dhe të ardhurave nga këto kategori, ndërsa verës dhe vjeshtës i atribuohen piket më të larta të turistëve në sitet kulturore. Këto të dhëna tregojnë se trashëgimia kulturore është bërë një burim i rëndësishëm ekonomik dhe një element kyç për zhvillimin e qëndrueshëm të turizmit në Shqipëri.
Pjesëmarrja e vizitorëve në parqet arkeologjike, muze dhe kalatë tregon për interesin e vazhdueshëm të publikut për këto sitet, duke forcuar lidhjen mes kulturës dhe ekonomisë vendase. Në këtë kuadër, turizmi kulturor jo vetëm që kontribuon në ruajtjen e trashëgimisë historike, por gjithashtu ndihmon në stimulimin e aktivitetit ekonomik në vend, duke çuar përpara një zhvillim të qëndrueshëm.
