Faza e rregullt e MLS ka përfunduar, dhe skuadrat që vazhdojnë garën për titullin kampion tani kanë mësuar emrat e kundërshtarëve të tyre në turin e ardhshëm. Mes tyre, futbollisti shqiptar Myrto Uzuni, i cili luan me ekipin Austin, është i vetmi që ka mbetur në garë.
Në fazën “play-off”, Austin do të ndeshet me Los Anxhelos FC, një skuadër me ambicie të mëdha që përfundoi sezonin e rregullt në vendin e tretë të renditjes. Një nga yjet e këtij skuadri është Heung-min Son, që u transferua nga Totenhemi gjatë verës për të nisur një aventurë të re në MLS. Kjo ndeshje do të jetë sfiduese për Uzunin dhe ekipin e tij, pasi në këtë fazë kalon ekipi me bilancin më të mirë pas tre ndeshjeve.
Uzuni e ka përfunduar sezonin e tij të parë me Austin me 6 gola dhe 2 asistime në 27 ndeshje, duke kontribuar në mënyrë të dukshme në sukseset e skuadrës. Tani, ai dhe bashkëlojtarët e tij duhet të japin më të mirën e tyre për të avancuar më tej në këtë kampionat me një strukturë unike.
