TIRANË- Kreu i Grupit Parlamentar të Partisë Demokratike Gazment Bardhi është përjashtuar me 15 ditë nga Kuvendi. Mësohet se PS në kërkesën drejtuar Sekretariatit të Etikës ka kërkuar 30 ditë përjashtim nga seanca.
Por në mbledhjen e sotme, Sektretariati i Etikës vendosi për 15 ditë përjashtim ndaj Bardhit. Bardhi akuzohet nga PS-ja për ofendim ndaj kryetarit të Kuvendit Niko Peleshi.
Në seancën e fundit, Bardhi iu drejtua Peleshit duke e quajtur të paaftë. Ndërkohë që kur ky i fundit e përjashtoi nga seanca, Bardhi refuzoi që të dilte nga salla.
