Pas përfundimit të procesit zgjedhor dhe mbylljes së qendrave të votimit, koalicioni shqiptar VLEN shpalli optimizmin e tij për fitore të mundshme që në raundin e parë në disa komuna përfshirë Çair, Tetovë, Saraj, Bogovinë, Zhelinë dhe Tearcë.
Gjatë një konference për media, përfaqësuesit e VLEN shprehën besimin e madh se do të arrijnë rezultate pozitive, veçanërisht në komunat e përmendura. Ata theksuan se gara mund të mbyllet për disa nga këto komuna qysh në raundin e parë të votimeve. “Presim fitore pothuajse në secilën komunë,” thanë ata, duke konfirmuar se janë afër një rezultat të favorshëm në Çair dhe Tetovë. Po ashtu, VLEN shpreson për sukses në Saraj, Bogovinë, Zhelinë dhe Tearcë, duke u angazhuar gjithashtu në procesin e grumbullimit të informacionit mbi rezultatet e votimeve.
Pas mbylljes së votimeve, koalicioni shqiptar e festoi këtë moment me fishekzjarrë, duke shprehur gëzim për pritjet e tyre optimiste në procesin zgjedhor.
