Nazmi Gripshi po shkëlqen në kampionatin kazak, duke shënuar një gol të ri për Astanën në sfidën ndaj Aktobes. Mesfushori i Kombëtares shqiptare realizoi golin në pjesën e parë, duke e çuar rezultatin në 4-2 dhe përfunduar këtë pjesë me avantazh për ekipin e tij. Gripshi ka demonstrur vazhdimisht aftësitë e tij si specialist i penalltive, duke realizuar me saktësi nga pika e bardhë.
Ky gol ishte i 16-ti për të në edicionin aktual të kampionatit, duke e pozicionuar atë si një ndër kandidatët kryesorë për “Këpucën e Artë” në Kazakistan. Ai ka kontribuar gjithashtu me 6 asistime në 25 javë të luajtura deri tani, duke theksuar performancën e tij të shkëlqyer.
Forma e tij e mirë ka tërhequr vëmendjen e trajnerit të Kombëtares, Sylvinho, i cili e ftoi Gripshin për herë të parë në përfaqësuese gjatë muajit tetor. Gripshi bëri debutimin e tij me fanellën kuqezi në pjesën e dytë të miqësores ndaj Jordanisë, një hap i rëndësishëm në karrierën e tij ndërkombëtare.
