Barcelona ka rikthyer fitoret pas dy humbjesh radhazi, duke mposhtur Gironën me rezultat dramatik 2-1 në “Montjuïc”. Skuadra e trajnerit Hansi Flick arriti të sigurojë tri pikë të rëndësishme falë një goli të Ronald Araujo në minutat shtesë, pas një asisti të Frenkie de Jong.
Ndeshja nisi me një fillim të mirë për katalanasit, të cilët kaluan në avantazh në minutën e 13-të me Pedrin, i cili shënoi pas një kombinimi me Lamine Yamal. Megjithatë, Girona reagoi shpejt, duke barazuar me Witsel në minutën e 20-të.
Pjesa e dytë e ndeshjes u karakterizua nga dominimi i Barcelonës që zotëronte 68% të topit dhe realizoi 27 goditje drejt portës, por goli i fitores erdhi vetëm në sekondat e fundit. Ky triumf e ngjit Barcelonën përkohësisht në vendin e parë të renditjes, duke i dhënë fund një periudhe negative dhe rikthyer entuziazmin te tifozët blu-grana.
