Autoritetet greke kanë realizuar një goditje të rëndësishme ndaj rrjeteve të trafikimit të drogës, duke sekuestruar mbi 38 kilogramë kokainë në portin e Pireut. Një operacion i koordinuar mes Drejtorisë për Luftën kundër Krimit të Organizuar dhe autoriteteve doganore dhe financiare ka rezultuar me zbardhjen e sasisë së drogës.
Gjatë kontrollit në një kontejner me 1,080 kuti bananesh, policia zbuloi 33 pako me kokainë, që peshojnë gjithsej 38 kilogramë e 200 gramë. Lënda narkotike ishte fshehur me kujdes brenda mekanizmit të ftohjes të kontejnerit, që kishte ardhur me anije nga një vend i huaj. Sipas vlerësimeve paraprake, vlera e kokainës së sekuestruar tejkalon një milion euro.
Hetimet për zbardhjen e rrjetit ndërkombëtar të përfshirë në këtë trafik po vazhdojnë nga autoritetet greke. Kjo ngjarje tregon angazhimin e vazhdueshëm të autoriteteve për të luftuar krimin e organizuar dhe traffiken e drogës në vend.
