Në episodin e sotshëm të “Për Shqiptarët”, u trajtua historia emocionuese e Kristinës, një vajzë e re që përjetoi një infeksion të rëndë në moshën 13-vjeçare, duke e lënë atë në koma për dy muaj. Infeksioni, i cili nisi nga një dhëmballë, u përhap në të gjithë trupin e saj, duke shkaktuar probleme në të folur dhe në ecje.
Pavarësisht dhembshurisë dhe përpjekjeve të mjekëve shqiptarë, mungesa e shpresës ishte evidente. Një kthesë për Kristinën erdhi falë Fondacionit Firdeus, që organizoi trajtimin e saj në Itali. Në një moment të vështirë, Miranda, nëna e Kristinës, iu drejtua shqiptarëve për ndihmë, dhe në vetëm tre ditë, fondet për trajtimin e saj u mblodhën.
Miranda kujton me emocion ditën që mori lajmin se Kristina do të nisej për në Itali: “Më dhanë lajmin e mirë se Kristina do të niset për në Itali. Çdo gjë ishte urgjente, pasi doktorët kishin thënë se vajza nuk mund të priste më.” Rruga për në Itali ishte tejet e ndërlikuar dhe e rrezikshme, por doktorët italianë ishin të përgatitur ta ndihmonin. Miranda shprehet se ka lutur për sigurinë e vajzës gjatë gjithë udhëtimit.
Gazi i shpresës u rikthye kur Kristina doli nga koma, një moment që e përjetoi si një mrekulli. “Ua doktor, i hapi sytë vajza,” thotë ajo, duke treguar emocionet e saj të thella.
Sot, falë mbështetjes së shqiptarëve dhe ndihmës së Fondacionit “Firdeus”, Kristina është jashtë rrezikut për jetën dhe po vazhdon trajtime të specializuara për tu rikuperuar plotësisht. Historia e saj është një shembull i fuqishëm i solidaritetit dhe shpresës në momente krize.
