Pas një paraqitjeje të shkurtër me Kombëtaren shqiptare në miqësoren ndaj Jordanisë, Jasir Asani është rikthyer në aktivizëm me një gol të shpejtë në kampionatin iranian. Sulmuesi anësor i ekipit Esteghlal nuk e humbi kohën për të shënuar në ndeshjen ndaj Mes Rafsanjan, ku i mjaftuan vetëm 11 minuta për të tundur rrjetën.
Asani mori një top në krahun e djathtë dhe, me një goditje të saktë me të majtën drejt shtyllës së parë, arriti të mposhtë portierin kundërshtar, duke i dhënë epërsinë ekipit të tij. Ky ishte goli i tretë i Asanit në kampionat këtë sezon, kontribut i vlefshëm që ndihmoi Esteghlal të sigurojë tri pikët në këtë takim.
Goli i Asanit është një tregues i zhvillimit të tij në Iran dhe vazhdon të tregojë aftësitë e tij si një nga lojtarët kryesorë të skuadrës.
