Deputeti demokrat Arjan Ndoji ka shprehur qëndrim të qartë ndaj kolegëve të tij të opozitës, të cilët u përplasën me Niko Peleshin. Ai theksoi se nuk do të jetë nga ata që bien tavolinave dhe u kërkoi qeverisë, përmes kryetarit të Kuvendit, Taulant Balla, që të mos etiketojë negativisht grupin parlamentar të Partisë Demokratike (PD).
Në një deklaratë të tij në Kuvend, Ndoji u shpreh se nuk është në natyrën e tij të reagojë me agresivitet në seancat parlamentare, duke theksuar se ka një edukatë të ndryshme dhe se dëshiron që të flasin ata që duan të zhvillojnë një debat konstruktiv. Ai theksoi se pjesa më e madhe e grupit parlamentar të PD-së dëshiron t’i japë zë mendimeve të tyre dhe se nuk ka asnjë ngatrresë personale ndaj askujt, përveçse dëshiron të ruajë respektin e merituar për grupin.
Niko Peleshi, duke u përgjigjur, vlerësoi fjalët e Ndojit dhe theksoi rëndësinë e një opozite të fortë, duke nënkuptuar se ndërprerja e fjalës së deputetëve nuk është një veprim i dëshiruar nga askush që ndodhet në Kuvend.
