Kryeministri Edi Rama ka prezantuar sot projekt-ide arkitekturore për Rilindjen e Pallatit të Sportit “Asllan Rusi”. Ai theksoi se ky projekt do t’i sjellë energji të re hapësirës dhe do të përkrahë lëvizjen sportive në Shqipëri.
Rama përshkroi këtë projekt si një nismë të rëndësishme, duke e quajtur një ripërtëritje të nevojshme për një objekt me historik të gjatë në sport. Ai përmendi se konkursi ndërkombëtar për këtë projekt ka sjellë ekipe arkitektësh të talentuar, disa prej të cilëve janë aktivë edhe në Shqipëri. Kryeministri nënvizoi se përzgjedhja e projektit do të jetë e vështirë për shkak të cilësisë së lartë të propozimeve.
Dhe, Rama shprehu kënaqësinë që pa në sallë përfaqësuesit e ardhshëm të sportit shqiptar, duke besuar se projekti do t’i rikthejë energjinë dhe frymën që karakterizonte Pallatin e Sportit në kohën e tij më të mirë. Ai e lidh këtë iniciativë me rritjen e pjesëmarrjes së fëmijëve në sport, duke theksuar se aktualisht mbi 12 mijë të rinj, djem e vajza, janë nën kujdesin e Komitetit Olimpik Shqiptar, dhe se ata do të sjellin talente të reja.
Rama gjithashtu e theksoi se Shqipëria ka ambicie të larta në fushën e sportit dhe synon të përmirësojë pjesëmarrjen në kompeticione ndërkombëtare. Ai e cilësoi zhvillimin e finales së Konferencë Ligës në futboll si një kulminacion të aktiviteteve ndërkombëtare që po zhvillohen në vend. Kryeministri shprehu shpresën se do të arrihen edhe finale të tjera si ato të Kupës së Kampioneve në Shqipëri.
Në përfundim, Rama shprehu optimizëm për të ardhmen e sportit në vend, duke theksuar se projekti i ri për Pallatin e Sportit “Asllan Rusi” do të jetë një hap i rëndësishëm në këtë drejtim.
