Sekretari i Mbrojtjes së SHBA-së, Pete Hegseth, ishte në një fluturim shtetëror nga Brukseli për në SHBA kur aeroplani përballoi një problem teknik një orë pas ngritjes. Fluturimi raportoi çështje me presionin brenda kabinës së pasagjerëve, duke u detyruar të kthehej në Britani. Avioni e ulti lartësinë menjëherë, duke u drejtuar për në Bazën Ajrore Mildenhall, në veri të Londrës, pasi një çarje u shfaq në xhamin e përparmë.
Zëdhënësi i Pentagonit, Sean Parnell, konfirmoi se avioni e zbriti duke ndjekur procedurat e përcaktuara dhe të gjithë pasagjerët, duke përfshirë Hegseth, ishin në siguri. Problemet mekanike me avionët ushtarakë që transportojnë zyrtarë të lartë nuk janë të pazakonta. Një incident i ngjashëm ndodhi më herët këtë vit, kur avioni i Sekretarit të Shtetit, Marco Rubio, u detyrua të kthehej në Uashington për shkak të problemeve teknike.
