Prokuroria e Korçës ka nisur hetimin ndaj avokatit Arben Lena, i cili dyshohet se ka abuzuar me llogarinë bankare të një 70-vjeçari, i cili aktualisht po vuajnë dënimin në burgun e Shënkollit. Hetimi ka filluar pas një denoncimi të bërë nga i dënuari, i cili kishte dhënë avokatit një prokurë për të pasur akses në llogarinë e tij bankare për çështje gjyqësore.
Sipas të dhënave, avokati ka shfrytëzuar këtë prokurë për të tërhequr shuma parash nga llogaria e të burgosurit. Detajet mbi vlerën e shumës së tërhequr ende nuk janë publikuar. Specialistët e Sektorit për Hetimin e Krimit Ekonomik dhe Financiar kanë referuar materialet në Prokurori, duke treguar se Lena, 56 vjeç, kreu veprimet e tij duke shfrytëzuar besimin e klientit dhe gjendjen e tij shëndetësore.
Sipas njoftimit të policisë, avokati ndodhet nën masën e sigurisë “Arrest në burg” për veprat e dyshuara. Hetimi vazhdon për të sqaruar të gjitha rrethanat dhe për të zbardhur plotësisht këtë çështje të rëndësishme.
