Lionel Messi vazhdon të shkëlqejë në fazën e tij të fundit si futbollist profesionist, duke thyer rekorde të reja. Pas rikthimit nga mungesa për ndeshjen e Argjentinës kundër Venezuelës, ai ishte protagonist në fitoren ndaj Porto Rikos, ku dha dy asiste. Kështu, ai arriti numrin e 60 asistimeve me përfaqësuesen argjentinase, duke e kaluar brazilianin Neymar dhe amerikanin Landon Donovan në listën e më të mëdhenjve të historisë së futbollit ndërkombëtar.
Sipas ESPN, Messi është tani lider në asistenca për kombet që nga fillimi i regjistrimeve të sakta në vitet 2000. Suksesi i tij vjen në një moment të rëndësishëm, pasi ai po konkuron për çmimin MVP të MLS për herë të dytë në karrierë. Nëse arrin ta fitojë këtë trofe, do të bëhet lojtari i dytë në historinë e kampionatit amerikan që e fiton këtë çmim dy herë, pas Predrag “Preki” Radosavljević, si dhe i pari që e fiton në dy sezone radhazi.
Ky rekord i Messi-t vjen vetëm disa orë pas arritjes së një tjetër rekordi nga Cristiano Ronaldo, i cili u bë lojtari me më shumë gola të shënuar në kualifikueset e Kupës së Botës. Këto ngjarje pasqyrojnë konkurrencën dhe arritjet e padiskutueshme të dy legjendave të futbollit në një kohë kur karrierat e tyre po afrohen në fund.
