Në vitin 2024, Prokuroria e Posaçme Anti-Korrupsion (SPAK) ka demonstruar përparime të dukshme në përballimin e volumit të punës dhe në ndjekjen e rekomandimeve ndërkombëtare për luftën kundër korrupsionit dhe krimit të organizuar. Kryeprokurori, Arben Dumani, theksoi rëndësinë e rekomandimeve të Bashkimit Evropian, Kuvendit të Shqipërisë dhe Këshillit të Ministrave në këtë drejtim.
Raporti ka evidentuar rritjen e bashkëpunimit ndërkombëtar në luftën kundër kriminalitetit të organizuar. Numri i prokurorëve është rritur nga 17 në 20, duke forcuar kështu kapacitetet profesionale dhe operuese. Po ashtu, frytet e trajnimeve ndërkombëtare janë reflektuar në një rritje prej 8% të çështjeve të hetimit dhe 21% të numrit të personave të hetuar krahasuar me vitin 2023.
Sidoqoftë, është shënuar një ulje prej 15% në procedimet e reja, një strategji që lidhet me fokusimin në çështjet komplekse dhe afatgjata. Politika e masave të sigurimit është zbatuar në mënyrë proporcionale, duke evidentuar një rritje prej 9.7% të procedimeve penale, me gjithsej 854 raste. Po ashtu, janë përfunduar 13.2% më shumë hetime se në vitin e kaluar.
Lufta ndaj krimeve të organizuara ka parë një rritje prej 19%, me 35% më shumë hetime të përfunduara. Në fushën e krimeve zgjedhore, janë hetuar 43 vepra penale me anga 7 persona nën hetim. Rritja e procedimeve penale që kanë ardhur nga denoncime publike ka shënuar gjithashtu një trend pozitiv, me 128 kërkesa që kanë rezultuar në iniciimin e hetimeve për çështje me ndjeshmëri të lartë.
Të dhënat tregojnë se vetëm 9.7% e të paraburgosurve në Shqipëri janë nën hetimin e SPAK, ndërsa masa e sigurisë “arrest me burg” është caktuar për 236 persona, prej të cilëve 82% janë akuzuar për krime të organizuara. Këto statistika janë tregues të përmirësimit të Prokurorisë së Posaçme dhe angazhimin e saj në luftën kundër veprave penale.
