Një vatër zjarri ka shpërthyer paraditen e së martës në zonën e Kunes në Shëngjin, duke përfshirë një pjesë të Lagunës. Flakët janë përhapur me shpejtësi në disa drejtime për shkak të bimësisë së dendur dhe erës së fortë. Pas njoftimit për incidentin, forcat zjarrfikëse kanë ndërmarrë menjëherë veprime për të shuar zjarin dhe për të parandaluar rrezikun ndaj zonave të banuara përreth.
Informacionet e para tregojnë se zjarri ka shkaktuar dëme të konsiderueshme në sipërfaqe të bimësisë. Ekipet e ndihmës në terren janë duke punuar intensivisht për izolimin e plotë të flakëve dhe për parandalimin e përhapjes së mëtejshme.
Ndërkohë, shkaku i shpërthimit të zjarrit mbetet i paqartë, por dyshohet se faktorët njerëzorë mund të jenë shkaku kryesor. Autoritetet po vazhdojnë hetimet për të zbardhur rrethanat e ngjarjes.
