Analisti Arjan Curri diskutoi sot në “Top Story” prapaskenat e garës për kreun e ri të SPAK, duke ofruar një perspektivë të detajuar mbi zhvillimet brenda këtij institucioni të rëndësishëm.
Sipas tij, amerikanët kanë thirrur një prokuror, të cilit i kanë ofertuar drejtimin e SPAK, por ai, për shkak të integritetit, e ka refuzuar këtë detyrë dhe ka shprehur mbështetje për Andan Xholin. Curri theksoi se brenda SPAK ekzistojnë “klane krahinore”, duke përmendur që Dumani mbështet kandidaturën e Brahon.
Ai thekson që struktura e SPAK-it ndahet në tre grupe. Grupi i parë përfshin dibranët, me nëntë përfaqësues, por Curri shprehet se nuk mund të jenë të gjithë dibranë në një institucion kaq të rëndësishëm. Ai specifikon se gjysma e dibranëve mbështet kandidaturën e Xholit, ndërsa tjetra është në favor të Brahon. Grupi i dytë përbëhet nga përfaqësues të Skraparit, dhe grupi i tretë kemi gra që lobojnë për kandidaturën e Musabelliu.
Curri gjithashtu nënvizon se Altin Dumani kërkon një kandidat të ngjashëm me Brahon, duke e përshkruar atë si një njeri të ftohtë dhe pa ndjenja. Ai përmend se për Xholin ka një konsensus të gjerë, gjithashtu duke përmendur incidente si atentatin ndaj Dolorezës dhe një përpjekje për të rrëmbyer vajzën e tij në Gjermani.
Këto informacione vijnë në një kohë kur gara për kreun e SPAK është nxehtë dhe rivalitetet brenda grupimeve janë të dukshme. Proçesi i zgjedhjes së udhëheqësit të SPAK do të ketë implikime të rëndësishme për të ardhmen e drejtësisë në vend, dhe angazhimi ndërkombëtar për të siguruar një lider me integritet është vijues. Curri përfundoi duke theksuar se situata aktuale kërkon një vëmendje të veçantë për të ruajtur stabilitetin dhe besimin në institucionet e drejtësisë.
