Në Tiranë po zhvillohet Forumi i parë i Investimeve EU-WB6, një ngjarje e rëndësishme që bashkon vendet e Ballkanit Perëndimor me përfaqësues të Bashkimit Europian dhe investitorë globalë. Ky forum ka si qëllim të nxisë investimet dhe bashkëpunimin ekonomik në rajon.
Gjatë fjalës së tij, Kryeministri Edi Rama e përmendi krizën aktuale duke ilustruar edhe një incident të vogël që ndodhi gjatë fjalimit të tij. Një pjesë e pankartës para mikrofonave u shkëput dhe Rama e menaxhoi situatën me humor dhe sportivitet. Ai e kaloi këtë moment duke thënë: “Nëse kishit nevojë për ilustrimin e krizës, sapo e patë”, të cilat provokuan qeshje në sallë.
Ngjarja po pritet me interes, duke pasur parasysh nevojën për të forcuar lidhjet ekonomike dhe për të sjellë më shumë investime në rajon.
