Një ngjarje tragjike ka ndodhur në ishullin e Shën Helenës, Karolina e Jugut, ku një person i armatosur hapi zjarr në drejtim të turmës brenda një lokali, duke shkaktuar vdekjen e katër personave dhe plagosjen e të paktën 20 të tjerëve. Incidenti ndodhi në një ambient të tejmbushur, dhe oficerët e policisë që mbërritën në vendngjarje gjetën shumë individë të plagosur.
Sipas një deklarate nga zyra e sherifit, viktimat dhe dëshmitarë u shpërndanë në gjendje paniku, duke kërkuar strehim në bizneset dhe shtëpitë përreth. Autoritetet e përshkruan sulmin si një “incident tragjik dhe tejet të veshtirë për komunitetin”, duke kërkuar bashkëpunim gjatë hetimeve.
Në të njëjtën kohë, katër persona u shpallën të vdekur në vendngjarje dhe më shumë se njëzet të plagosur janë duke marrë ndihmë mjekësore, katër prej të cilëve ndodhen në gjendje kritike. Identiteti i viktimave nuk është bërë i njohur deri tani, ndërsa autoritetet janë angazhuar për të identifikuar autorin ose autorët e sulmit dhe për të zbardhur motivin e kësaj tragjedie.
Ngjarja ka rikthyer në vëmendje shqetësimet e vazhdueshme lidhur me armët dhe sigurinë në publik. Komuniteti është në një situatë të vështirë, dhe apeli për durim dhe bashkëpunim është thelbësor për të kaluar këtë moment të dhimbshëm. Hetimet vazhdojnë, dhe më shumë informacione pritet të publikohen në ditët në vazhdim. Teksa autoritetet po përpiqen të zbardhin të vërtetën e ngjarjes, emocionet dhe alarmi mbeten të larta në mesin e banorëve.
