Mbrëmja e 11 tetorit 2025 do të mbetet e paharrueshme për çdo shqiptar, pas fitores historike të Kombëtares kuqezi ndaj Serbisë në Stadiumin Dubocica në Leskovac. Me një paraqitje të shkëlqyer dhe një gol të jashtëzakonshëm nga Ray Manaj, kjo ndeshje shënoi një moment të rëndësishëm në rrugëtimin e futbollit shqiptar, duke afruar Shqipërinë më pranë kualifikimit për Kampionatin Botëror “FIFA World Cup 2026”.
Heroi i ndeshjes ishte padyshim Ray Manaj, që me një goditje të fuqishme dhe precize, u bë simbol i krenarisë për shqiptarët në të gjithë botën. Ndeshja ishte e mbushur me tension dhe emocione, dhe Manaj arriti të nxiste entuziazmin e miliona tifozëve.
Trajneri Silvinho ka sjellë një ndryshim thelbësor në skuadër, duke vendosur disiplinë taktike dhe një organizim të lartë që ka ndihmuar Shqipërinë të bëhet një ekip konkurrues si në nivelin rajonal edhe atë ndërkombëtar. Nën drejtimin e tij, Shqipëria po fiton ndeshje të rëndësishme dhe po imponon veten në arenën e futbollit.
Një tjetër faktor i rëndësishëm në këtë sukses është kontributi i presidentit të FSHF-së, Armando Duka. Si nënkryetar i UEFA-s dhe anëtar i Komitetit Ekzekutiv të FIFA-s, ai ka contribuar për të rritur peshën e futbollit shqiptar në skenën ndërkombëtare, duke theksuar seriozitetin dhe angazhimin për zhvillim.
Kjo fitore është e gjithë Kosovës: e lojtarëve që luftuan me pasion, e trajnerit që besoi në to, e tifozëve që e mbështetën pa reshtur dhe e çdo shqiptari që ndjeu krenarinë për flamurin kuqezi gjatë ndeshjes. Sot, Shqipëria feston më shumë se sa një rezultat sportiv; feston identitetin dhe unitetin ndër shqiptarët.
Faleminderit djemve kuqezi, për një natë që do të mbahet mend gjatë!
