Komisioni i posaçëm i Bordi Drejtues të ESAIC (European Society of Anesthesiology and Intensive Care) njoftoi se Shoqata Shqiptare e Anestezi-Reanimacionit (ASAI) ka fituar organizimin e Kongresit Evropian të Vjeshtës, ESAIC – CONNECT, Albania 2026. Tirana është përzgjedhur mes disa kryeqyteteve evropiane për të pritur këtë ngjarje, që shënon një moment historik për Shqipërinë, pasi për herë të parë një kongres i tillë do të zhvillohet në Evropën Juglindore.
Kjo arrijmë e rëndësishme tregon forcimin e pozicionit të komunitetit mjekësor shqiptar në skenën ndërkombëtare. Ngjarja do të mbledhë anestezistë dhe reanimatorë nga të gjitha vendet e rajonit dhe më gjerë, duke bërë nga Tirana një qendër të rëndësishme për shkëmbimin profesional, akademik dhe shkencor.
Shoqata Shqiptare e Anestezi-Reanimacionit ka theksuar se ky sukses është rezultat i përpjekjeve të përbashkëta dhe besimit në rëndësinë e Shqipërisë në hartën evropiane të shkencës dhe inovacionit në mjekësi. Kjo ngjarje pritet të kontribuojë në avancimin e njohurive dhe shkëmbimin e përvojave për profesionistët e mjekësisë, duke përmirësuar kështu standartet e shërbimit shëndetësor në rajon.
Kongresi i ESAIC do të ofrojë një mundësi të shkëlqyer për diskutime të rëndësishme, si dhe për bashkëpunime ndërkombëtare që mund të sjellin përfitime për sistemin shëndetësor shqiptar dhe të gjithë rajonin. Me këtë ngjarje, Tirana do të promovojë veten si një destinacion për aktivitete shkencore dhe profesionale, duke forcuar më tej lidhjet ndërkombëtare të komunitetit mjekësor shqiptar.
Kjo është një hap i rëndësishëm drejt avancimit të mjekësisë në Shqipëri dhe ngritjes së standardeve të shërbimeve shëndetësore, duke e vendosur vendin në qendër të zhvillimeve të rëndësishme në këtë fushë.
