Dy shtetas shqiptarë, D. M. (45 vjeç) dhe R. D. (54 vjeç), janë arrestuar sot në aksin rrugor “Kakavije-Gjirokastër” për transport të mallrave të kontrabanduara nga Greqia. Të dy akuzohen për veprat penale “Kontrabanda me mallra të tjera” dhe “Kontrabanda me mallra të ndaluara ose të kufizuara”.
Policia ka sekuestruar një sasi të konsiderueshme mallrash, përfshirë produkte deti, medikamente dhe veshje, si dhe autobusit me të cilin po transportoheshin këto produkte. Gjatë kontrollit në autobusin që ata udhëhiqnin, janë gjetur 178 kg produkte deti, 45 kuti medikamente dhe 159 kuti këpucë të markave të ndryshme, të cilat dyshohet se ishin kontrabanduar.
Pas ngjarjes, policia ka ngritur akuza gjithashtu kundër një doganieri të Degës Doganore Kakavijë, E. H. (40 vjeç), për shpërdorim detyre, duke e referuar rastin në Prokurori për procedim penal. Materialet procedurale janë dorëzuar për veprime të mëtejshme nga Prokuroria pranë Gjykatës së Shkallës së Parë të Juridiksionit të Përgjithshëm në Gjirokastër.
Arrestimet dhe procedimet penale vijnë si rezultat i një aksioni të Policisë për të parandaluar kontrabandën në këtë aks rrugor, që është një nga pikët më të frekuentuara për kalimin e kufirit mes Shqipërisë dhe Greqisë.
