Një akt dhune i rëndë ka tronditur sot qytetin e Vlorës, ku rreth orës 14:00, përballë tregut të Çoles, është dhunuar fizikisht Kozma Kukli, punonjës i Ndërmarrjes së Pastrimit. Ai aktuallisht ndodhet në gjendje të rëndë shëndetësore në spitalin rajonal të Vlorës, sipas raportimeve nga korrespondenti i Top Channel, Mikel Marsi.
Dëshmia e Kuklit tregon se dy persona, që ishin në një furgon, i janë afruar dhe e kanë goditur papritur, pa asnjë paralajmërim. Më pas, banorët e zonës kanë ndërhyrë menjëherë, duke njoftuar ambulancën dhe policinë. Kukli është transportuar me urgjencë në spital, ku mjekët raportojnë për dëmtime të shumta në kokë, si dhe në syrin e djathtë, i cili rrezikon shikimin.
Deritani, Policia e Vlorës nuk ka lëshuar një deklaratë zyrtare rreth ngjarjes, megjithatë, incidenti ka ndodhur në një zonë të mbuluar nga kamera sigurie, faktor që mund të ndihmojë në identifikimin e autorëve të sulmit. Ngjarja ka shkaktuar shqetësim të madh në komunitet dhe pritet që informacioni të shërbejë për hetimin e mëtejshëm nga autoritetet.
