Në kuadër të Konferencës së NATO-s për Mbrojtjen Kibernetike, e cila do të zhvillohet nga 8 deri më 10 tetor 2025 në Pallatin e Kongreseve në Tiranë, Policia e Tiranës ka përgatitur një plan sigurie për të garantuar rendin publik dhe zhvillimin e mbarë të aktivitetit.
Për të siguruar një atmosferë normale, do të ketë kufizime në lëvizjen e automjeteve dhe këmbësorëve në disa zona kryesore të kryeqytetit. Kjo përfshin ndalimin e qarkullimit të automjeteve në Bulevardin “Dëshmorët e Kombit”, nga semafori pranë Presidencës deri te sheshi “Nënë Tereza” dhe në rrugën “Gjergj Filipi”. Po ashtu, do të mbyllet aksin që lidh hotelin “Marriott” me bulevardin “Dëshmorët e Kombit”.
Trotuari nga hyrja e hotel “Rogner” deri te Pallati i Kongreseve gjithashtu do të jetë i mbyllur për këmbësorët gjatë gjithë kohës së konferencës. Kufizimet do të jenë në fuqi nga ora 07:00 më 9 tetor deri në orën 15:00 më 10 tetor 2025.
Policia e Tiranës apelon qytetarët të kuptojnë situatën dhe të bashkëpunojnë, duke i inkurajuar ata të shmangin lëvizjet e panevojshme në zonat e kufizuara dhe të ndjekin udhëzimet e punonjësve të Policisë dhe sinjalistikën përkatëse.
