Një aksident rrugor ka ndodhur mbrëmjen e sotme në rrugën e spitalit Memorial në Fier, ku janë përfshirë dy automjete: një Mercedes dhe një Toyota. Për pasojë e përplasjes, njëra nga makinat ka përfunduar në kanal, ndërsa tjetra ka marrë dëmtime në pjesën e përparme.
Si rezultat i aksidentit, dy persona kanë mbetur të lënduar dhe janë dërguar për mjekim në spitalin rajonal Fier. Policia ndodhet aktualisht në vendngjarje dhe po punon për të sqaruar rrethanat që çuan në këtë incident.
Korrespondenti i Top Channel, Neritan Trifoni, raporton për situatën. Aksidenti ka shkaktuar shqetësim në zonë dhe ka nxitur intervenimin e autoriteteve për të adresuar pasojat e tij.
