Cristiano Ronaldo, legjenda e futbollit, ka arritur një tjetër për sukses, duke u bërë futbollisti i parë miliarder në histori, sipas Bloomberg. Agjencia amerikane e lajmeve financiare ka vlerësuar pasurinë neto të tij në rreth 1.2 miliardë euro.
Pasuria e Ronaldo ka ardhur nga disa burime, përfshirë sponsorizimet e tij fitimprurëse me marka të njohura si Nike dhe Armani. Një faktor i rëndësishëm që ka kontribuar në këtë arritje është zgjatja e kontratës së tij me klubin saudit Al-Nassr, nënshkruar në qershor të vitit të kaluar, e cila i ka sjellë atij mbi 400 milionë dollarë.
Ronaldo ka pasur një karrierë të jashtëzakonshme në futboll, duke luajtur për klube të mëdha si Manchester United, Real Madrid dhe Juventus. Ky sukses financiar thekson jo vetëm talentin e tij në fushën e lojës, por edhe aftësinë e tij për të shfrytëzuar mundësitë jashtë saj.
