Në Universitetin e Shkodrës është hapur zyrtarisht viti i ri akademik. Ceremonia e inagurimit u përshëndet nga ministrja e Arsimit, Mirela Kumbaro, e cila uroi studentët dhe pedagogët për një vit të suksesshëm. Gjatë fjalës së saj, Kumbaro njoftoi se për këtë vit janë regjistruar 19.671 studentë për herë të parë në të gjithë vendin, duke theksuar se pas 10 viteve ka ardhur koha për reforma dhe modernizim në sektorin e arsimit të lartë.
Në Universitetin e Shkodrës, deri në raundin e dytë, kanë aplikuar 2.088 studentë të rinj, nga të cilët janë regjistruar 871 në vitin e parë. Rektori i Universitetit “Luigj Gurakuqi”, prof. dr. Tonin Gjuraj, theksoi në fjalën e tij se prioritetet kryesore të institucionit janë rritja e standardeve të mësimdhënies, me fokus në student, profilizimi i programeve dhe ligjit të arsimit të lartë, si dhe investimet për përmirësimin e kushteve akademike.
Këto ndryshime synojnë të përmirësojnë kualitetin e arsimit dhe të ofrojnë mundësi më të mira për studentët. Kjo ngjarje përmbledh një fillim të ri dhe shpresë, duke shënuar një moment të rëndësishëm për të rinjtë e vendit dhe për zhvillimin e sistemit arsimor shqiptar.
