Ike Turner Jr., djali i artistëve tëmuzikës Tina dhe Ike Turner, ka ndërruar jetë në moshën 67-vjeçare, një ditë pas ditëlindjes së tij. Lajmi është konfirmuar nga kushërira e tij, Jacqueline Bullock, për TMZ, e cila njoftoi se Ike Jr. ndërroi jetë në një spital në Los Angeles si pasojë e dëmtimit të veshkave.
Bullock shprehu hidhërimin e saj, duke e quajtur ike Jr. më shumë se një kushëri; për të, ai ishte një vëlla me të cilin u rritën së bashku në familjen Turner. Ajo gjithashtu zbuloi se shëndeti i tij ishte përkeqësuar në vitet e fundit për shkak të problemeve me zemrën dhe një goditjeje në tru që kishte kaluar muajin e kaluar.
Kunata e Ike Jr., Afida Turner, e nderoi atë në Instagram me një mesazh emocionues, duke e përshkruar atë si të mrekullueshëm dhe duke shprehur mirënjohje për bisedën e fundit që patën përpara ndarjes së tij nga jeta.
Ike Jr. ishte një nga dy djemtë e adoptuar të Tina Turner nga marrëdhënia me Ike Turner. Ai ndjeki hapat e prindërve të tij në muzikë si pjesë e grupit tribut The Love Thang Band, bashkë me vokalisten Sweet Randi Love. Ai gjithashtu fitoi një çmim Grammy për kontributin e tij në albumin “Risin’ With The Blues” në vitin 2006, i cili fitoi çmimin për Albumin më të Mirë Tradicional të Bluesit.
Tina dhe Ike Turner rritën katër fëmijë së bashku, ndërsa Tina kishte gjithashtu një djalë tjetër, Raymond Craig, nga një marrëdhënie e mëparshme me muzikantin Raymond Hill. Ike Turner Jr. do të mbahet mend si pjesë e trashëgimisë së familjes Turner, duke lënë një ndikim të dukshëm në muzikë dhe art.
