Në kuadër të fushatës për zgjedhjet e Bashkisë Tiranë, kryetari i Partisë Socialiste, Edi Rama, organizoi një takim koordinues me ministrat dhe deputetët e kryeqytetit. Takimi u zhvillua pasditen e së premtes, në prag të zgjedhjeve që do të mbahen më 9 nëntor, ku Rama la porosi dhe udhëzime për procesin elektoral, me fokus në garën e PS-së për Bashkinë Tiranë, ku kandidatë është Ogerta Manastirliu. Fushata do të drejtohet nga Belinda Balluku, numri dy i qeverisë, e cila do të koordinojë gjithashtu fushatën edhe në Mat.
Kjo mbledhje shërbeu për të ndarë skuadrat përgjegjëse për çdo njësinë administrative të Tiranës. Sipas burimeve, në njësinë 5, e cila ka një popullsi të madhe, si forcë mbështetëse për Erion Braçen është angazhuar edhe Taulant Balla, së bashku me Niko Peleshi. Ish-deputeti Xhemal Qefalia do të mbulojë zonën e Dajtit, ndërsa ministri Fatmir Xhafaj do të mobilizojë socialistët në Njësinë 10.
Të tjerë drejtues të PS-së të angazhuar në Tiranë përfshijnë sekretarin e përgjithshëm Blendi Klosi dhe Eduard Shalsi. Ulsi Manja, drejtues politik i Lezhës, gjithashtu do të kontribuojë në fushatën e Tiranës. Igli Hasani dhe Bora Muzhaqi do të fokusohen në Njësinë Nr. 8.
Lista e drejtuesve për njësitë administrative të Tiranës është si më poshtë:
– Njësia 1: Lindita Nikolla, Adea Pirdeni, Ervin Hoxha
– Njësia 2: Olta Xhaçka, Arben Pellumbi, Blendi Klosi
– Njësia 3: Klotilda Bushka, Ermonela Felaj, Delina Ibrahimaj
– Njësia 4: Blerina Gjylameti, Eduard Shalsi
– Njësia 5: Erion Brace, Niko Peleshi, Taulant Balla
– Njësia 6: Blendi Gonxhe, Ceno Klosi
– Njësia 7: Etilda Gjonaj, Iris Luarasi, Ulsi Manja
– Njësia 8: Igli Hasani, Milva Ekonomi, Bora Muzhaqi
– Njësia 9: Mimi Kodheli, Besfort Lamallari
– Njësia 10: Fatmir Xhafa, Ermal Elezi
– Njësia 11: Albana Koçiu, Erion Malaj, Rakip Suli
– Zonat rurale: Xhemal Qefalia, Ornaldo Rakipi
– Njësia 13 (Farkë): Anila Denaj, Sofjan Jaupaj
Ky takimi shënon një hap të rëndësishëm në organizimin e fushatës së PS-së për këto zgjedhje vendore.
