Reshjet e fundit të shiut kanë kaluar në reshje dëbore në zonat mbi 1000 metra mbi nivelin e detit, me temperatura që kanë arritur deri në minus 2 gradë Celsius. Këto reshje kanë prekur më shumë fshatrat e thella të njësisë Administrative Zerqan, Ostren dhe Martanësh, të Bashkisë Bulqizë, ku niveli i dëborës arrin deri në 5 centimetra. Megjithatë, qarkullimi në këto zona nuk ka pësuar probleme të mëdha.
Policia ka bërë thirrje për kujdes të shtuar nga drejtuesit e mjeteve që transportojnë minatorët, për shkak të terrenit të vështirë. Ndërkohë, fshatrat e thella të njësisë Ostren po përballen me probleme në furnizimin me energji elektrike si rezultat i dëborës dhe ngricave. Puna për riparimin e linjave të energjisë ka filluar, duke synuar rikthimin në normalitet sa më shpejt që të jetë e mundur.
Reshje dëbore janë konstatuar edhe në rajonet e Dibër dhe Mati, gjithashtu mbi 1000 metra mbi nivelin e detit. Situata në këto zona tregon se bora ka filluar të mbulojë peisazhin, por deri më tani, autoritetet lokale janë në gatishmëri për të menaxhuar çdo problem që mund të lindë nga kushtet atmosferike.
