Shoferja që shkaktoi aksidentin e ndodhur dje në aksin “Bilisht-Kapshticë” është arrestuar. Aksidenti përfundoi tragjikisht me vdekjen një pasagjereje, e identifikuar me inicialet E.S., 42 vjeçe.
Sipas njoftimit të policisë, specialistët e Sektorit të Qarkullimit Rrugor ndaluan në flagrancë shtetasen A. Sh., 36 vjeçe, që banon në Prenjas. Ajo ka shkaktuar përplasje me një automjet tjetër, si pasojë e së cilës humbi jetën pasagjerja e saj.
Informacioni është pasuar nga procedurat ligjore, me materialet që iu referuan Prokurorisë pranë Gjykatës së Shkallës së Parë të Juridiksionit të Përgjithshëm në Korçë për veprime të mëtejshme.
