Delegacioni i Bashkimit Europian në Tiranë ka njoftuar qytetarët e vendeve jashtë Bashkimit Evropian, përfshirë shqiptarët, në lidhje me një sistem të ri menaxhimi kufijsh që do të hyjë në fuqi më 12 tetor 2025. Ky sistem, i quajtur Sistemi i Hyrje/Daljes (Entry/Exit System), do të regjistrojë automatikisht të dhëna të rëndësishme për çdo udhëtar që udhëton në 29 vendet e Zonës Shengen për qëndrim të shkurtër.
Kjo procedurë do të sigurojë regjistrimin e informacionit nga dokumenti i udhëtimit, datave të mbërritjes dhe të largimit, si dhe të dhënave biometrike, përfshirë shenjat e gishtave dhe imazhin e fytyrës. Ambasada thekson se nuk është e nevojshme të bëhen veprime të mëparshme para udhëtimit dhe nuk ka tarifa shtesë për këtë proces.
Sistemi i ri është pjesë e përpjekjeve për të përmirësuar sigurinë dhe kontrollin e kufijve brenda Zonës Shengen. Ai synon të lehtësojë udhëtimin e qytetarëve të vendeve që nuk janë pjesë e BE, si dhe të ndihmojë në menaxhimin e fluksit të udhëtarëve. Të gjithë udhëtarët janë inkurajuar të informohen më tepër për procedurat që do të fillojnë në tetor dhe të njohin detajet e regjistrimit për të bërë udhëtimin e tyre sa më të lehtë dhe të sigurt.
Për më shumë informacion, qytetarët mund të vizitojnë burimin zyrtar të informacionit në https://travel-europe.europa.eu/ees.
