Nicole Kidman është fotografuar për herë të parë pas ndarjes nga bashkëshorti i saj, këngëtari Keith Urban, pas 19 vitesh martesë. Aktorja 58-vjeçare ishte duke u shëtitur në Nashville, e shoqëruar nga motra e saj, Antonia, që aktualisht po e mbështet në këtë periudhë të vështirë.
Kidman ka tentuar të ruajë një profil të ulët, duke veshur rroba sportive dhe syze dielli. Megjithatë, ajo është parë duke qeshur dhe diskutuar me motrën gjatë një shëtitjeje prej rreth 4 kilometrash pranë vilës 4 milion dollarëshe që ndajnë me Urban dhe vajzat e tyre, Sunday Rose dhe Faith Margaret.
Ndarja mes çiftit ka shkaktuar shqetësime, pasi vetëm disa ditë më parë Urban u largua nga shtëpia e tyre dhe kërkoi një banesë të re në të njëjtin qytet. Pas 24 orësh, Kidman dorëzoi kërkesën për divorc në qarkun Davidson të Tennessee. Burime të industrisë muzikore kanë spekuluar se Urban është në një lidhje të re me Maggie Baugh, një kitariste 25-vjeçare, me të cilën është parë shpesh. Zërat e këtij romani janë përforcuar pas një koncerti ku Urban ndryshoi tekstin e një kënge që dikur ia kishte dedikuar Kidman, duke përmendur emrin e Baugh.
Kidman është shprehur se është ndjerë e poshtëruar nga thashethemet për një grua tjetër, duke pasur gjithmonë shqetësim për marrëdhënien e saj me Urban. Edhe pas divorcit me Tom Cruise në vitin 2001, ajo e ka mbështetur Urbanin në sfidat e tij, përfshirë një qëndrim në rehabilitim. Megjithatë, pas ndarjes, Kidman duket se është e vendosur të vazhdojë përpara.
Ndërkohë, Urban, sipas burimeve të tij, po përpiqet të mbajë një qëndrim të qetë, me fokus te vajzat e tij. Ai nuk ka komentuar lidhur me thashethemet për një lidhje të re, duke zgjedhur të hesht ndërsa spekulimet vazhdojnë të rriten në rrjetet sociale.
