Sot, Universiteti Politeknik i Tiranës nënshkroi një marrëveshje me Ministrinë e Infrastrukturës dhe Energjisë, një hap i rëndësishëm për mbështetje e studentëve nëpërmjet praktikave të paguara të punës. Kjo marrëveshje do t’i ofrojë studentëve mundësinë të fitojnë përvojë praktike dhe njohuri të drejtpërdrejta për proceset e zhvillimit të infrastrukturës në Shqipëri.
Kryeministri Edi Rama theksoi rëndësinë e kësaj iniciative dhe angazhimin e qeverisë për të mbështetur universitetet e vendit. Ai duke folur për perspektivat për studentët shqiptare, shprehu dëshirën që ata të kenë mundësi njësoj si ata që studiojnë në institucione të huaja. Rama theksoi se bashkëpunimi me universitetet ka sjellë përmirësime të vazhdueshme dhe se ka ende shumë hapësira për përparim.
Një pjesë e rëndësishme e fjalës së tij u përqendrua në krijimin e mundësive për të rekrutuar studentë për praktika të posaçme, duke i inkurajuar ata që të angazhohen në praktikë edhe para se të përfundojnë studimet. Ai përmendi gjithashtu nevojën që trupat drejtuese të universitetit të punojnë për të rikuperuar kohën e humbur, duke nxitur krijimin e një ambienti akademik më dinamik dhe në përputhje me standardet ndërkombëtare.
Kryeministri nënvizoi se për të arritur këto qëllime, është e domosdoshme të përmirësohet infrastruktura e universitetit, përfshirë ndërtimin e dy strukturave të reja që do të ofrojnë kushte optimale për studentët. Ai theksoi se nuk është e mjaftueshme të ndihmohet vetëm me infrastrukturën, por se është gjithashtu e nevojshme të investohet në laboratorët e nevojshëm për të përballuar ndryshimet epokale që ndodhin në mbarë botën.
Marrëveshja e sotme përfaqëson një angazhim për t’i ofruar studentëve mundësi të reja zhvillimi, duke i përgatitur ata për tregun e punës dhe duke i lidhur më fort me sektorët përkatës. Kjo tregon përkushtimin e qeverisë dhe institucioneve akademike për të avancuar arsimimin dhe zhvillimin profesional në Shqipëri.
