Një tragjedi e rëndë ka mbuluar familjen e Gjesti, fituesit të Big Brother VIP Albania 4, pas vdekjes së vëllait të tij, Eldion Kelmendi, i cili humbi jetën në një aksident automobilistik të ndodhur në fshatin Qungur të Pejës. Ngjarja, e cila ka lënë të tronditur komunitetin, ndodhi rreth orës 14:00, kur një motor u përplas me një veturë. Si pasojë e këtij aksidenti, Eldioni humbi jetën në vendin e ngjarjes, ndërsa një tjetër banor i zonës, i identifikuar me inicialet K.B., u plagos rëndë dhe aktualisht po merr trajtim në spitalin e Pejës. Hetimet për zbardhjen e shkaqeve dhe rrethanave të aksidentit vazhdojnë.
Një detaj prekës është se, rreth 20 orë para këtij ndodhi tragjik, motra e Eldionit, Blerina Kelmendi, kishte ndarë disa fotografi në rrjetet sociale që përfshinin edhe një imazh me vëllain e saj, të shoqëruar me dy emoji engjëjsh. Ky moment ka prekur thellë ndjekësit e saj, duke shkaktuar shumë reagime të trishtueshme në platformat sociale.
Eldion Kelmendi kishte luajtur një rol të rëndësishëm në jetën e Gjestit, duke u shfaqur në momente të rëndësishme, përfshirë surprizën e familjes në shtëpinë e Big Brother VIP Albania, ku ai ofroi mbështetje publikisht për vëllain e tij. Deri më tani, repsit Gjest nuk ka dhënë ndonjë reagim në lidhje me humbjen e vëllait. Ai ka folur shpesh për lidhjen e fortë dhe të veçantë që kishte me Eldionin, dhe humbja e tij është pritur me shume dhimbje nga ata që i njihnin dhe e donin.
Kjo ngjarje tragjike ka sjellë një atmosferë hidhërimi jo vetëm për familjen, por edhe për fansat e Gjestit dhe ata që e ndiqnin Eldionin. Informacionet për mëteje pritet të dalin ndërsa hetimet vazhdojnë.
