Zvicra ka njoftuar se do të mirëpresë rreth 20 fëmijë të plagosur nga Rripi i Gazës për t’u ofruar atyre trajtim mjekësor të specializuar jashtë zonës së konfliktit. Situata e paqëndrueshme në Gaza ka bërë që ende të mos përcaktohet një datë e saktë për transferimin e fëmijëve, por autoritetet zvicerane janë duke punuar intensivisht në bashkëpunim me Organizatën Botërore të Shëndetësisë (OBSH) për të realizuar këtë proces.
Përzgjedhja e fëmijëve do të bëhet në përputhje me OBSH-në, e cila ka regjistruar mbi 19,000 pacientë që kërkojnë trajtim jashtë enklavës, përfshirë rreth 4,000 fëmijë me lëndime serioze dhe sëmundje që nuk mund të trajtohen në Gaza. Fëmijët dhe familjet e tyre do të kalojnë nëpër kontrolle të sigurisë para se të vijë procedura e azilit pas mbërritjes në Zvicër. Qeveria zvicerane do të mbulojë të gjitha kostot e nevojshme për koordinimin dhe transportin, ndërsa spitalet që do t’i pranojnë fëmijët do të ofrojnë trajtimin mjekësor në mënyrë vullnetarish.
Ky veprim humanitar vjen në një kohë kur konflikti në Gaza ka shkatuar dhimbje dhe shkatërrim të konsiderueshëm, me mbi 65,000 viktima palestineze në dy vitet e fundit, pas sulmeve të dhunshme të Hamasit në Izrael më 7 tetor 2023. Ky sulm shkaktoi fillimin e një konflikti të vazhdueshëm, duke përkeqësuar krizën humanitare.
Me këtë inciativë, Zvicra dërgon një mesazh shprese dhe solidariteti për fëmijët që kanë nevojë urgjente për ndihmë dhe shërim. Një hap i tillë thekson rëndësinë e veprave humanitare në një situatë kaq kritike dhe deri diku sjell optimizëm në mes të një tragjedie të përhershme që ndikon jetën e shumë të pafajshmve. Kjo është një mundësi për fëmijët që të marrin shërimin e nevojshëm, larg dhunës dhe frikës që e përshkon jetën e tyre në Gaza.
