Reperja e njohur Cardi B ka reaguar ashpër ndaj pyetjeve për arsyet pse nuk e ka finalizuar ende divorcin nga ish-partneri i saj, Offset. Ajo theksoi se procesi është duke u zvarritur për shkak të pengesave financiare që ai po i vendos. Cardi B, e cila është në pritje të fëmijës së saj të parë me lojtarin e NFL-së Stefon Diggs, deklaroi se ligjërisht është e ndarë nga Offset, por divorci vazhdon të mbetet në pritje.
Ajo bëri të ditur se “e vetmja mënyrë që unë mund të marr një divorc është të paguaj taksat e tij dhe t’i jap një nga pronat e mia”. Reperja shprehu se për këtë po lufton dhe do të vazhdojë ta bëjë, duke e theksuar se situata nuk ka të bëjë aspak me ndjenjat romantike. Sipas saj, ndonëse jeton jetën e saj, “në letra” ajo është ende e martuar, gjë që e bën të ndihet si një “peng” i ish-partnerit të saj.
Cardi B ka tre fëmijë me Offset: Kulture (7 vjeç), Wave (4 vjeç) dhe Blossom (12 muajsh). E ndërsa lidhet me Stefon Diggs, marrëdhënia e tyre po përballet me polemika, pasi një grua ka paditur futbollistin duke pretenduar se ai është babai i vajzës së saj 5-muajshe. Reperja reagoi edhe ndaj kësaj akuze gjatë një transmetimi “live”, duke thënë: “A është ky babai i fëmijës suaj? Epo, ai është edhe babai i fëmijës tim. Dhe tani? Nuk e di, do ta zbulojmë”.
Ky zhvillim ka ndezur diskutime të gjera në rrjetet sociale, me fansat që ndahen mes mbështetjes për reperen dhe kritikave për lidhjen e saj të re. Marrëdhëniet e komplikuara dhe pengesat ligjore për finalizimin e divorcit duket se vazhdojnë të ngacmojnë jetën personale të Cardi B, ndërsa ajo përpiqet të kthehet në normalitet për vete dhe për fëmijët e saj.
