Presidenti i Republikës, Bajram Begaj, mori pjesë në Takimin e Nivelit të Lartë të Asamblesë së Përgjithshme të OKB-së për 30-vjetorin e Konferencës së Katërt Botërore për Gratë, ku theksoi rëndësinë e përshpejtimit të përpjekjeve për arritjen e Objektivave të Zhvillimit të Qëndrueshëm deri në vitin 2030. Në fjalën e tij, Presidenti Begaj vuri në dukje se, megjithëse janë bërë angazhime të përbashkët për zbatimin e Platformës për Veprim të Pekinit, përparimi në barazinë gjinore ka stagnuar dhe në disa aspekte po përjeton regres.
Ai theksoi se takimi duhet të shërbejë si një pikë këndi për kalimin nga vetëm fjalët në veprime të matshme. Për këtë, kërkoi mobilizimin e burimeve financiare, forcimin e kornizave të llogaridhënies dhe investimin në reforma transformuese. Begaj ndau përvojat e Shqipërisë lidhur me reformat ligjore dhe sociale, rritjen e buxhetit dhe fuqizimin e rolit të grave dhe vajzave në vendimmarrje.
Presidenti theksoi se këto inciativa e kanë bërë barazinë gjinore një prioritet të rëndësishëm në shoqërinë shqiptare. Në këtë kuadër, ai e konsideroi barazinë gjinore si një faktor kyç për zhvillimin e qëndrueshëm dhe prosperitetin e përbashkët. Ai rikonfirmoi angazhimin e Shqipërisë për të intensifikuar përpjekjet për të eliminuar dhunën ndaj grave dhe për të përmirësuar buxhetimin e përgjegjshëm ndaj gjinisë.
Takimi i këtij viti, me rastin e 30-vjetorit të Konferencës, shërbeu si një platformë për rikonfirmimin e angazhimeve për barazinë gjinore dhe fuqizimin e grave, si dhe për reflektimin mbi progresin dhe sfidat e vazhdueshme që ndodhin në këtë fushë. Në përfundim, Presidenti Begaj theksoi se angazhimi i përkushtuar është i nevojshëm për të siguruar që gratë dhe vajzat të kenë mundësi të barabarta dhe të jenë pjesë aktive e shoqërisë.
