Këtu kemi historinë e një djali të ri, i cili në moshën 13 vjeçare emigroi në Itali. Pas 20 vitesh, ai kthehet në vendlindjen e tij, Luz të Vogël, për të kultivuar 18 hektarë me shegë izraelite. “Unë jetoj në Itali që nga viti 2005. Atje, njoha disa miq nga Izraeli, të cilët më sugjeruan të merrem me bujqësi, pasi ky sektor ofron mundësi të mira ekonomike,” thotë ai.
Fermeri ka 19 mijë rrënjë shegë që prodhojnë 18 ton fruta çdo vit, të gjitha për eksport. E veçanta e kësaj parcele është se për kultivimin e shegëve nuk përdoren preparate bujqësore, por vetëm pleh organik. Kjo metodë i ka lejuar shegëve të Luzit të Vogël t’i drejtohen tregjeve më të mëdha në Evropë. Ai ka ndarë se për të mbushur parcelën me pleh ka përdorur 600 kamionë pleh, dhe fillimisht e konsideronin të çmendur. “Ja ky është rezultati, sot eksportoj në Zvicër, Gjermani, dhe Itali,” shprehet ai me krenari.
Shega që ai kultivon është një lloj i veçantë, e njohur si shega e zezë ose lloji viola, e cila ka veti curative, madje disa besojnë se ndihmon në zhvillimin e trurit të fëmijëve që nga shtatzënia. “Kjo është një shegë e veçantë; njerëzit janë kuriozë ta shohin ngjyrën dhe ta ndihen shijen,” thotë ai.
Një rrënjë shege izraelite, sipas statistikave të kaluar, prodhon rreth 40 kg, por ndjeshëm u ndikua nga kushtet klimaterike këtë vit. Megjithatë, Festa, siç e quajnë, është optimist për të ardhmen dhe ëndërron të jetojë përgjithmonë në Luz të Vogël me familjen e tij pranë kësaj parcele gjigante të shegëve. Kjo histori tregon se si mundësitë e bujqësisë, të kombinura me pasionin dhe përkushtimin, mund të sjellin sukses dhe të kontribuojnë në zhvillimin ekonomik të një rajoni.
