Kolegji Universitar “Tirana College of Technology” ka hedhur një hap të rëndësishëm në forcimin e partneriteteve dhe ofrimin e mundësive për studentët e tij duke nënshkruar një memorandum bashkëpunimi me Albanian Council for Technology and Innovation (ACTI). ACTI është një komunitet që përfshin më shumë se 60 kompani shqiptare në fushën e teknologjisë dhe inovacionit.
Ky bashkëpunim synon të sjellë në përvoja të reja dhe aplikime moderne në fushën e teknologjisë, veçanërisht për studentët e programeve Bachelor në Inxhinieri Elektronike dhe Inxhinieri Software. Rektori i TCT-së, Prof. Dr. Andonaq Londo Lamani, thekson se partneriteti me ACTI do të ofrojë mundësi për shkëmbimin e stafit dhe angazhimin e studentëve në projekte të përbashkëta. Kjo do t’i ndihmojë studentët të thellohen në fushën e IT-së dhe të kontribuojnë në projekte konkrete, duke realizuar kështu idetë e tyre.
Andis Papa, Sekretari i Përgjithshëm i ACTI, shprehet se ky memorandum do të formalizojë dhe organizojë bashkëpunimet e mëparshme me universitetet, duke ofruar mundësi për ndarjen e projekteve dhe kërkimeve të nevojshme për inovacionin dhe zhvillimin e teknologjive të reja. Ai thekson se brezi i ri ka më shumë njohuri mbi teknologjitë moderne dhe kjo do të ndihmojë në përballimin e sfidave aktuale në fushën e IT-së.
Ky bashkëpunim përkohet me vitin akademik, në të cilin Tirana College of Technology gjithashtu sjell 4 programe të reja Bachelor në fushën e inxhinierive. Në këtë mënyrë, kolegji dëshiron të përgatisë brezin e ardhshëm të profesionistëve të teknologjisë, duke ofruar një bazë solide arsimore dhe mundësi praktike për të rinjtë që synojnë të integrohen në tregun e punës. Bashkëpunimi mes TCT dhe ACTI pritet të ketë ndikim të rëndësishëm në zhvillimin e kapaciteteve të studentëve, duke i ndihmuar ata të marrin pjesë aktivisht në trende dhe projekte novatore në teknologjinë e informacionit.
