Apolonia U-19 e nisi me këmbë të mbarë kampionatin e moshave, duke mposhtur Elbasanin U-19 me rezultatin 2-1. Ndeshja, e zhvilluar sot, tregoi se fierakët kanë një brez të ri plot premtime, dhe emri që spikati mbi të gjithë ishte ai i Sebastjan Cjapit.
Shiko Golin:
Mesfushori i krahut të majtë shkëlqeu në fushë me lojën e tij plot energji dhe shpejtësi marramendëse. Në minutën e 21-të, Cjapi dhuroi një asist perfekt që i dha Apolonisë epërsinë e parë. Ndërsa në minutën e 75-të, ai gjeti vetë rrugën e rrjetës me një goditje të saktë, duke vulosur fitoren e skuadrës fierake.
Me një gol dhe një asist, Cjapi u shpall edhe lojtari i ndeshjes, duke treguar se është një talent që pritet të bëjë hapa të mëdhenj në futbollin shqiptar. Shpejtësia, vendosmëria dhe aftësia për të kaluar kundërshtarët e bëjnë atë një nga lojtarët më premtues të brezit të ri të Apolonisë.
Shiko asisin e Cjapit:
Fitorja 2-1 ndaj Elbasanit U-19 është vetëm fillimi i një rrugëtimi të gjatë për fierakët, por mbi të gjitha është një sinjal se në Apoloni po rriten lojtarë të cilët shumë shpejt mund të trokasin në derën e ekipit të parë. Dhe emri i parë që doli sot në pah ishte ai i Sebastjan Cjapit.
