Rosa Roisinblit, një aktiviste legjendare argjentinase e njohur për angazhimin e saj në kërkimin e drejtësisë, ka ndërruar jetë në moshën 106-vjeçare. Ajo ishte pjesë e grupit të njohur “Gjyshet e Plaza de Mayo”, i cili luajti një rol vendimtar në zbulimin e fatit të personave të zhdukur gjatë diktaturës ushtarake në Argjentinë (1976–1983). Organizata e saj konfirmoi ndarjen nga jeta duke e përkujtuar përkushtimin e saj të palodhur dhe dashurinë për të vërtetën.
Historia e saj personale është një tregim tragjik. Në vitin 1978, vajza e saj shtatzënë, Patricia Roisinblit, bashkëshorti i saj José Pérez Rojo dhe vajza e tyre më e vogël, Mariana, u rrëmbyen nga regjimi ushtarak. Patricia, e cila lindi një djalë në një bodrum të një qendre të ndalimit, u zhduk më pas me burin e saj. Fëmija i porsalindur u dha një oficeri inteligjence për t’u rritur, ndërsa Mariana iu rikthye gjyshes, e cila e rriti vetë. Nipin e saj, Guillermo, e gjetën vetëm pas 20 vjetësh, falë testimeve të ADN-së dhe përpjekjeve të palodhshme të grupit që Roisinblit e përfaqësonte.
Përveç angazhimit të saj personal, Roisinblit ishte një figurë simbolike e drejtësisë dhe shërbeu si nënkryetare e “Gjysheve të Plaza de Mayo” për më shumë se tri dekada. Ajo qendroi aktive deri në fund të jetës së saj, duke marrë pjesë në gjyqe dhe fushata publike për të kërkuar zbardhjen e së vërtetës dhe identitetin biologjik të fëmijëve të rrëmbyer. Në vitin 2016, ajo ishte e pranishme në gjykimin e rrëmbyesit të nipit të saj, Francisco Gómez, i cili u dënua me burgim të përjetshëm.
Rosa Roisinblit do të mbahet mend si një simbol i qëndresës dhe një shembull se sa të rëndësishme janë përpjekjet për drejtësi dhe ndihma ndaj viktimave të dukëve të errëta të historisë. Vdekja e saj është një humbje e madhe për të gjithë ata që përqafojnë idealet e saj të barazisë dhe vlerës së jetës njerëzore.
